15
وبعدين معاكى ياسجاره منا حبطلك يعنى حبطلك راحت ضاحكه هأو كان غيرك أشطر...... قاعد أنا وسجارتى فى يوم ساعه ضهريه فى أيدى القهوه بتاعتى والدنيا ميه ميه بتفرج فى التليفزيون على النشره وكام أغنيه عندى شويه صداع مأثر فيا شويه فقولت هى القهوه أحسن حل ليه وسمعت من البلكونه ياخويا صوت طشه التأليه عند جارتنا الطخينه وأه من دى وليه عليها شويه أكل حكايه وميه ميه علطول أقول لمراتى أتعلمى منها شويه ماعلينا أه يا دماغى الصداع بيموت فيه والقهوه كمان بردت منها لله التأليه مضطر أولع سجاره يمكن يخف الصداع شويه جيت أبص للعلبه رسمتها قفلتنى شويه حموت وأبطلها دى خربتلى الميزانيه دا تمن علبه واحده تجبلى نص فرخه مشويه وشوية سلطه وعيش وطحينه وتبقى أكله عفيه بدل منا حضرب كوشرى والصلصه حاميه عليا طلبت معايا أحسب حسبه شقيه قول العلبه بعشره فى تلاتين سنه يالهوى وعلى كام بنطلون باز قول كمان عشره فى ميه الحسبه وسعت خالص وبقت أصفار كتير قدام عنيه يالهوى يالهوى عليا دا أنا كنت جبت بيهم عربيه بدل بهدله المواصلات ........تكملته لاحقا
ليست هناك تعليقات:
إرسال تعليق